ياشينها لا صرت تغلي لـك انسـان
ان جاك غالـي وان تغيـب ذكرتـه
اغليه واطرد عنـه مليـون شيطـان
ولو زل في حقي دمحـت وعذرتـه
ولا خان مبداه ونسى كـل الاحسـان
والله ليبطي بالرجـاء مـا انتظرتـه
وحتى البحر لو فيه لولو .. ومرجان
دامه لمثلـه ماسبحـت وعبرتـه ...
بعض الذنوب اعدها غلطـة اخـوان
ذنبٍ يضايقني .... وذنبٍ غفرته ...
وبعض العرب في فزعته مثل الامزان
لو تطلبه عينه ...حشـا ماعسرتـه
والناس عندي مثـل سالـم وسلمـان
شخص ٍ اضحي به وشخص ٍ ذخرته
اتصدق اني من كثر مابـي احـزان
حتى عـدوي لـو شتمنـي شكرتـه
ياشينها لا صـرت ماتلمـح الـوان
الا الظلام ليـا رقيـت ...وحدرتـه
وياشينها لا طاح من عينـي انسـان
لو حطنـي فـوق النجـوم احتقرتـه
منقوووووول